‘Kantaurialdea’ filma eskainiko dute euskaraz

Eibarren, Donostian, Tolosan, Errenterian eta Azpeitian egongo da ikusgai Kantauriar mendikatearen inguruko lana

Miércoles, 6 de Diciembre de 2017 - Actualizado a las 06:11h.

donostia- Gipuzkoako Foru Aldundiko Ingurumeneko Departamentuak, Wanda Films ekoiztetxearekin batera, pasa den martxoan, Joaquín Gutiérrez Achak zuzendutako eta filmatutako eta José María Moralesek ekoiztutako Kantaurialdea filma estreinatu zuen Donostian. Orain, filma euskarara itzuli eta bikoiztu du, gure lurraldearekiko gertutasun handiago emanaz. Alberto Gorritiberea izan da bikoizketaren zuzendaria, Antton Garikanok egin du narrazioaren itzulpena eta Maider Segurolak jarri dio ahotsa.

Hilabete honetan zehar filma Gipuzkoako hainbat herritan proiektatuko da: 11an Eibarren 19.00etan Koliseo Antzokian, 13an Donostian 19.00etan Aquariumean, 15ean Tolosan 19.00etan Topic-ean, 19an Errenterian 19.00etan Niessen Zinema Aretoan eta egun berean 21.00etan Azpeitiko Soreasun.

Kantauriar mendikatearen natura-aniztasuna balioan jartzea ekoizpen honen lehentasuna izan da. Lurralde basati bat ezagutarazi nahi du, aparteko bioaniztasuna duena eta zinemako eta telebista nazionalen eta nazioartekoen zirkuituetan erabat ezezaguna dena. - N.G.