sensibilizazio-kanpaina aurkeztu du

Emakundek helduei errespontsabilitatea eskatu die berdinatasunaren eguneroko transmisioan

Emakundek helduei errespontsabilitatea eskatu die berdinatasunaren eguneroko transmisioan

Landaidak datorren martxoaren 8aren greba konbokatu duen nazioarteko mugimendu feministaren aldarrikapenak berekoak egiten ditu

EUROPA PRESS - Lunes, 26 de Febrero de 2018 - Actualizado a las 14:18h.

BILBO. Emakundek datorren martxoaren 8rako prestatu duen sensibilizazio-kanpaina aurkeztu du astelehen honetan Emakumeen Nazioarteko Eguna dela eta, aurten bizitzaren arlo guztietan gazteenei berdintasunaren transmisioan helduen errespontsabilitatea datzana.

Kanpainaren goiburua da 'Berdintasuna ikasten da. Berdintasuna irakatsi' eta horretan umeak dira protagonistak "haien jokaera, balioak eta bizitzaren ikuspuntua ikaste-prozesu baten ondorioak dira" gogoratzeko helburuz. Kanpaina honen bitartez, Emakundek azpimarratu nahi du berdintasunean oinarritutako balioak "ez direla berez sortzen", baizik eta "berdintasuna, gizartean jokatzeko beste balio asko bezala ikasten da"

"Ondorioz, pertsonen sozializazioan zerikusia duten parte guztiek berdintasuna irakasteko eta berdintasun-modeloak erakusteko errespontsabilitate handia daukate, gazteengan arreta handia jarriz", Izaskun Landaidak Emakundearen zuzendariak aipatu duenez.

"Berdintasunezko gizartea eraikitzea ez da posiblea eskolak, gurasoek, komunikabideek, enpresek eta gizartea osatzen duen pertsona orok errespetuan, pertsonen eskubideetan eta gizonen eta emakumeen arteko berdintasunean oinarritutako balioaz jokatu barik", baieztatu du.

Zentzu honetan, "gure gizarteak barneratu dituen berdintasunaren kontrako jokabideak kontuan hartuz, berdintasuna irakatsi ezean, ezberdintasuna ikasten bukatzen da" esan du.

Zenbait egoera erakusten du kanpainak: esate baterako, gizonak etxeko lanak egiten eta seme-alabak zaintzen, arlo bietan ardura parteka dezaten eta jarraitu beharreko eredu bilaka daitezen;edo beste egoera batzuk non emakumeak protagonistak diren gizonak nagusi diren eremuetan, esaterako, teknologian edo zientzian, eremu horietan ere emakumeak erreferentetzat jo ditzaten belaunaldi berriek. Hala, bada, kanpainak azpimarratzen du zer garrantzitsuak diren helduek etxean, eskolan, kalean, telebistan edo interneten etxeko gazteei transmititzen dizkieten ereduak eta jarrerak.

Aurten, Emakunde -Emakumearen Euskal Erakundea-ren sorreraren 30. urtemugarekin bat egiten du kanpainak, eta txartelez gain, irratiko iragarkiak, iragarki-bandak eta bideo bat biltzen ditu. Otsailaren 27a eta martxoaren 13a bitartean garatuko da, kanpoko euskarrietan, komunikabideetan eta sare sozialetan. Horrez gain, kartelak bidali dira erakundeetara, ikastetxetara, osasun zentroetara, elkarteetara, enpresetara, kultura-etxeetara, liburutegietara, eta abar.

Secciones